سالفة عشاق

موضوع: سالفة عشاق الجمعة مايو 28, 2010 12:48 am

من بغى الفرقا لقى له عذر وأسباب ودليل
خلى عنك العذر والأسباب دام الحب ضاع

كان ودك بالفراق أبشر عسى عمرك طويل
لا تردد وإنت لك كلمة ولك أمر ٍ مطاع

لي عليك إنك تبت بكلمة تشفي العليل
ولك علي إني لأوقف وقفة الرجل الشجاع

لا تجاملني مخافة قال ما أدري خوف قيل
عمر هرج الناس ما يسمن ولا يغني جياع

كان قصدك سر حبك أوعدك لأصبح بخيل
وأحمل أسرارك معي للموت قدر المستطاع

بس قلها .. قل ( ما أحبك ) وأبشر بصبر جميل
لا تحسب إني مثل من طبعهم لوي الذراع

صاحبك ما هو كذا يا صاحب القد النحيل
صاحبك طبعه غريب وغربته غربة طباع

في الهوى ما يقبل الحل الوسط ولا القليل
مثل ما هو لا شرى يشري ليا من باع باع

ثابت لو هي تميل الأرض حدره ما يميل
يدري إن الفقر ما هو عيب والدنيا متاع

ما عشق لذة حياته كثر عشق المستحيل
ولا كره حتى مماته كثر كره المصياع

كم تعلم من شديد البدو وش معنى الرحيل
وكم تعلم من غروب الشمس وش معنى الوداع

كم تعلم من سحاب الصيف وش معنى الحصيل
وكم تعلم من ليالي البرد وش معنى الضياع

إيه أنا هذا طريقي موحش وصعب وطويل
وإنت لا منك تعبت العالم فجوجه وساع

إعتبرني في بداية سكتك عابر سبيل
رح وأنا قلبي معك من وين وجهت الشراع

يكفي إني لا انذكرت في سالفة عشاق قيل
( عاشر أحبابه شجاع .. وفارق أحبابه شجاع)

موضوع: رد: سالفة عشاق الخميس يوليو 21, 2011 2:42 am

ع ـوآفي يارب ..
ماننحرم ..

موضوع: رد: سالفة عشاق السبت يوليو 30, 2011 10:32 pm

يعافيكي ربي نورتي شاكر لك احلى مرور..

يسلمو

يسسلمك ربي نورتي شاكر لك احلى مرور..